بسم الله الرحمن الرحيم

السلام عليكم ورحمة الله وبركاته

تالت ايام العيد الاضحى .....أجازه يناس

يعنى سعات بتجيلنا لحظات من الصمت وسعات من الرغى ونحس اننا بنتكلم كتير وسعات لحظات نجاح وفلاح وسعات فشل كل دا سعات ,انما النهارده انا موجودين بكره هيبقى غيرنا مين وبعده مين ومين , عاوز اقول ان فعلا لو مستغلناش الاوقات (مقصدش اجازه العيد ...انا عامل stand by ) , يعنى لو نحط فى بالنا ان عمرنا دا هيعدى لحظه اكيد كلنا هنفكر ازاى نستغله الاستغلال الامثل ونستفيد بكل لحظه فيه , دلوقتى الناس  او الاغلبيه بتفكر بطريقه انا هكسب ايه وامتى , يعنى بمنظور الدنيا , صراحه انا عاذرهم اصلنا فعلا فى الدنيا , مش بنقول نعيش فى كهف ولا نعيش منعزلين , أقصد اننا نفكر نسعد كل اللى حوالينا اهلنا اصحابنا قرايبنا , افتكرت حاجه عاوز اقولها كمان : مره وانا فى الكلية كنت بسمع شريط اسلامى مش فاكره , المهم كان عندنا ضيف والضيف دا بقى مش هقول اسمه طبعا بس عمال يشتكى ويشتكى وانا كدا مظلوم وليا حق وكدا وربنا هينصرنى يرضيكم كذا , سرحت لحظات وفكرت هوا زعلان ليه , بيقول ايه : دا بيكرهونى وبيحقدوا عليا ومش عاوز  كذا وكذا .

قلت فى بالى والله لو بنفكر بمنظور الاخره وانهم يومين وهيعدوا قلت مكنش قال كدا وكان قال ان اللى غلطان وراحلهم قالهم حقكم عليا متزعلوش منى بس ارجوكم متقطعوش صلتنا ببعض , وقلت فعلا فعلا سبحان الله على الفرق , طبعا الفرق شاسع مسافات بعيده جدا لما نفكر بالمنظور دا.

تعرفوا نا الرسول صلى الله عليه وسلم كان عايش بمنظور الاخره دا وعمره مرد على حد شتيمه او حتى زعل لانه الاخره كانت قدامه والدنيا كانت زى مبيقول :كن فى الدنيا كانك غريب او عابر سبيل.

عابر السبيل دا بيقى فى سفر وبس بيعدى على البلد وهوا مسافر وطبعا فى الانجاز .

المهم قلت لازم احاول اغير تفكيره مثلا او اعمل اى حاجه.

فحصل موقف يضحك ويبكى

قلت بدال متكلم واحرج نفسى , هشغل حاجه من الجهاز تفكرهم بالاخره وكدا , وانا بفتح اسلاميات الجهاز فتحت ملف  الشيخ محمد حسان لقيت خطبه بعنوان الموت .

قلت تمام

رحت بسرعه مشغل

بداية الخطبه او جزء منها الشيخ بيصرخ بيقول الموت قادم الموت قادم الموت قادم وصوته عالى

راح الضيف دا بسرعه مادد ايده وقافل السماعات ,ههههههههههههه

هوا احنا بنعمل كدا ليه.

يعنى هروب , ولا تأجيل ,ولا خوف , ولا كل اللى فات.

يقول تعالى محذرا ايانا( ولستُ ببعيد ابدا ابدا) :يَوْمَ تَجِدُ كُلُّ نَفْسٍ مَّا عَمِلَتْ مِنْ خَيْرٍ مُّحْضَراً وَمَا عَمِلَتْ مِن سُوَءٍ تَوَدُّ لَوْ أَنَّ بَيْنَهَا وَبَيْنَهُ أَمَداً بَعِيداً وَيُحَذِّرُكُمُ اللّهُ نَفْسَهُ وَاللّهُ رَؤُوفُ بِالْعِبَادِ [آل عمران : 30]

ياسلام على الايه سبحانك يارب

تحذر وتقول انك رؤف بالعباد

حقا حقا وما ظلمناهم ولكن كانوا انفسهم يظلمون

وكمان اذكر قول النبى صلى الله عليه وسلم ما معناه:لن ينجى احد منكم عمله , قالوا ولا انت يارسول الله ,قال:ولا انا ,الا ان يتغمدنى الله برحمته.

عرفتوا

وكمان

يقول تعالى :وَلَوْ يُؤَاخِذُ اللَّهُ النَّاسَ بِمَا كَسَبُوا مَا تَرَكَ عَلَى ظَهْرِهَا مِن دَابَّةٍ وَلَكِن يُؤَخِّرُهُمْ إِلَى أَجَلٍ مُّسَمًّى فَإِذَا جَاء أَجَلُهُمْ فَإِنَّ اللَّهَ كَانَ بِعِبَادِهِ بَصِيراً [فاطر : 45]

ويقول ايضا

وَلَوْ يُؤَاخِذُ اللّهُ النَّاسَ بِظُلْمِهِم مَّا تَرَكَ عَلَيْهَا مِن دَآبَّةٍ وَلَكِن يُؤَخِّرُهُمْ إلَى أَجَلٍ مُّسَمًّى فَإِذَا جَاء أَجَلُهُمْ لاَ يَسْتَأْخِرُونَ سَاعَةً وَلاَ يَسْتَقْدِمُونَ [النحل : 61]

نسالك رحمة يارب تدخلنا بها جنتك وتعفوا عنا عفوا يجيرنا من نارك

اللهم عاملنا بعفوك ولا تأخذنا بما كسبنا , انك عفو كريم

والسلام عليكم ورحمة الله