السلام عليكم ورحمة الله وبركاته
الحمد لله الذى اجلنا لهذا الوقت وصفح عن مسيئنا واكرم غائبنا ورزقنا من حيث لا نحتسب.
ياولاد ياولاد تعالوا معانا
وانا جاى من اسكندريه الاسبوع اللى فات كان السواق مشغل ازاعه مصر والساعه جات عشره الا عشره وفى معاده برنامج أبله فضليه .....هههههه!
كنت بستناه وانا صغير دايما والله اتعلنت منه حاجات حلوه
البرنامج اشتغل وابله فضيله قالت جيبالكم حكايه ...هحكيهالكم.
حكايه الحب 
كان ياااما كان فى جزيره فى البحر كان اهلها غارقين فى الماديه ومفيش لا حب ولا رحمه فى التعامل .
فى المملكه بتاعه الجزيره دار الحديث دا بين الملك وبنته الاميره
الاميره : ياولدى الناس معدتش بتحب بعض وكل واحد فى التجار واهل القريه ميهموش غير نفسه
مللك الجزيره : هنعم ايه يابنتى ما باليد حيله , مش هنعرف نغيرهم .
واستمر الحوار بينهم اللى بين عدم رضاهم عن واقع الجزيره واهلها.
وفجاه !
جاه للاميره واحد قلها الجزيره دى هتختفى لو مظهرش فيها الحب , هتغرق كلها وهتموت.
والحياه مش هترجع فيها غير لما يخطيها اتنين بيحبوا بعض.
اميره حاولت ومقدرتش.
جه الوقت اللى غرقت الجزيره فيه ومبقاش حد فيها غير الاميره
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
واتنقلنا الحكايه لمكان تانى خالص
واحد صياد غلبان عايش سعيد ومبسوط , الصياد كل يوم الصبح يخرج يصطاد ويرجع اخر النهار , بس الصياد كبر فى السن وعنده ولدين واحد شاب كبير وطفل صغير.
الشاب قال لابوه : كفايه كدا عليك ياولدى انت عملت اللى عليك استريح بقى انا هنزل مكانك.
الصياد قاله بس وصيتى ليك: تعلم اخوك الصغير الصيد زى معلمتك وانك تبقى مسئول عنه.
قال الشاب : حاضر ياوالدى.
وفى اول يوم خرج الشاب مع اخوه الصغير على مركبهم ومعاهم شبكه الصيد اللى غزلها ابوهم وحافظها خيطه خيطه.
ركبوا المركب الصغير
الشاب : بص ياخويا , اوعى تخاف من البحر , حب البحر, شوف الشمس , حب الشمس, حب الارض , حب الشجر,حب الاخضر لون الزرع.
الصغير : يخبر !!
الموج بيعلى
الشاب : حب البجر وموجه هادى , وموجه عالى
الشمس وهيا حر ووهيا مستخبيه
حب الهوا حب الرياح
حب السحاب حب المطر حب الصيف حب الشتا ء
الصغير : الموج بيعلى اكتر , هنغرق
الشاب : متخفش يخويا , حب الموج وهوا عالى
الصغير : الموج هيكسر القارب, اخويااااااااااااااااااااا
الشاب : اخوياااااااااا امسك فى خشب القارب .
الصغير : الحمد لله , انا ماسك فى خشب القارب اللى اتكسر
الشاب : حب الخشب , حب البحر
الصغير: ايدى وجعتنى .
الشاب : اصبر ياخويا .
الصغير: ايه دا مركب كبيره معديه
الشاب : الحمد لله, ياما انت كريم يارب, يلا نشاورلها .
المركب وقفت عندهم وخرجت منها واحده
الشاب : ارميلنا حبل لحسن هنغرق
صاحبة المركب : انقذكم من قبل معرف انتوا مين .
الشاب : احنا اتنين صيادين الموج كسر قاربنا , وانتى مين ؟؟؟
صاحبة المركب : انا اللى
الشاب: يعنى ايه ؟ مش هتنقذينا
صاحبة المركب : مش قتلك متعرفش ان كنت خير ولا شر
الشاب : ارجوكى ارميلنا حبل من المركب احنا بنغرق.
صاحبة المركب : طيب انا هنقذ واحد بس
الشاب : ليه كدا
صاحبة المركب :مش قلتلك متعرفش ان كنت خير ولا شر
الشاب : وليه مش احنا الاتنين
صاحبة المركب : عشان انا مش خير
الشاب : وليه واحد بس
صاحبة المركب :عشان انا مش شر , قلتوا ايه ؟
الشاب : خدى اخويا , انا لو مت مش مهم اخويا لو حصله حاجه اهلى هيموتوا من الحزن عليه.
الصغير : لا . خدى اخويا , انا لسه صغير مش هعرف ارعى اهلى زيه.
صاحبة المركب :وبعدين؟ خلصونى واختاروا واحد
الشاب : لا اخوياااااااا
الصغير : لا اخويااااااااااا
صاحبة المركب :طيب اطلعوا انتوا الاتنين .
الشاب والصغير بصوت واحد : احنا الاتنين
صاحبة المركب : اه , انتوا الاتنين
والاميره بتاعه الجزيره كانت هيا صاحبه المركب وكانت فرحانه جدا بيهم وحكتلم قصه الجزيره واهلها .
وطبعا اخدتهم الجزيره عشان ترجع تعيش تانى بس تعيش بالحب.
تعيش بالحب
والاميره اكرمتهم اوى واديتهم مجوهرات ودهب وغادروا الجزيره
ومن الحكايه كان المخلص
انك تحب كل حاجه وهيا حلوه وهيا وحشه
وان الحب انك تحب غيرك اكتر متحب نفسك
طبعا الحكايه معموله للاطفال .ههههههههه. بس والله فيها معانى عاليه جدا .
يارب اللى يقراها يستفيد منها .
ولو هنفلها حاجه لازم نضيفلها , ان لو هنحب اكتر حد يبقى هوا ربنا .أكرم الاكرمين
جل جلاله وتقدست اسمائه . وكمان رسولنا الكريم صلى الله على محمد صلى الله عليه وسلم.
اترككم فى رعاية الله وأمنه
said:
من مصر